KEREN, CERITA HUMOR PUTRA MANDAILING MENGGEMA DI SOSMED

Foto : Zulhairi Si Manusia Sejuta Cerita Humor

MNC Tijaya Mandailing Natal (Madina) - Bahat hormat santabi sapulu asa sapulu noli hami marsantabi tu tua sahala ni dongan namardongan di hita sasudena di pantar bagas facebook on majolo tama dokonon. 

 Olo tutu songonjia hata dohot sise ni dongan-dongan satontang maksud dohot tujuan ni halaman "Cerita Humor Mandailing dan Tabagsel" di medsos majolo tama dokonon ima dohot humor gonjak marsianyang sapartatahan mahita sasudena namaroban riang dohot hasonangan niroha sareto harosuan dihita dongan namardongan sasudena songon jia pandokon ni ompunta najumolo sunduti ima udut marsipanginjangan.

Satorusna harani bahatna pangidoan ni dongan dongan satontang carito mandailing, hami terinovasi mambaen sajian nangkan ami parsembahkon dibagasan halaman on ima satontang carito carito humor,  puisi puisi, filsapat filsapat sareto adat budaya karangan nami sendiri (Zulkhairi Pulungan gelar Malim Bandaro Pulungan)  na bernuansa sosial kemasyarakatan mandailing dohot tapanuli bahagian selatan majolo tama dokonon. 

Foto : Zulhairi

Harapan nami dohot kehadiran ni halaman on selain dongan dongan sasudena tarhibur namaroban sonang niroha namangagohon lungun nangkan tarbangunma rasa cinta bahasa mandailing sareto cinta daerah mandailing dohot tapanuli bahagian selatan angke ise dope napeduli tu daerah nita sasudena anggo inda ita muloi sian hita anak anak mandailing dohot tapanuli bahagian selatan on..

Betap adong hata hata nahambirang ibagasan sajian nami, ison hami marpangido anso rap hita doma paamunna anso ulang adong pasalisihan paham songonjia makasud dohot tujuanta ima gonjak sianyang maroban sonang niroha sareto harosuan di hita sasudena..  Harana hita halak mandailing dohot tapanuli bahagian selatan on sasudena, hitama nasasiak sapangkilalaan sasanggar saria ria.. Hitaon nasuang do namarsada ama sada ina jana saanak saboru.

Foto : Zulhairi Si Manusia Sejuta Cerita Humor

Ison hami sian pengurus mangido mohop dohot izin sareto marpangito mahita tu tuhanta nauli basa i, sai horas jana torkis nian hita sasudena paet paet muse mudarna. Mudah mudahan halaman "Carito Humor Mandailing dan Tabagsel" nahita haholongion dapot nian sukses berjaya namarkelanjutan lopus tupudi niari.. 

Horas... 

Horas tondi madingin

Pir muse tondi marogu

 

Bakty